Г.Загдаа, Г.Амарсайхан нарт холбогдох эрүүгийн хэргийг прокурорт буцаажээ

Яллагдагч Г.Загдаа, Г.Амарсайхан нарт холбогдох эрүүгийн хэргийн урьдчилсан хэлэлцүүлгийн шүүх хуралдаанөнөөдөр буюу зургаадугаар сарын 29-нд болоход хэргийг прокурорт буцааж шийдвэрлэсэн байна.

Баянзүрх дүүргийн прокурорын газраас яллагдагч Г.Загдаа, Г.Амарсайхан нарт холбогдох долоон хавтас эрүүгийн хэргийг энэ оны зургаадугаар сарын 20-ны өдөр тус шүүхэд ирүүлсэн.

Г.Загдаа, Г.Амарсайхан нарын өмгөөлөгч З.Хүрэлсүх хүсэлт гаргасны дагуу хэргийг прокурорт буцааж шийдвэрлэсэн бөгөөд шүүх хуралдаанаар яллагдагч Г.Загдаад урьд авсан цагдан хорих, яллагдагч Г.Амарсайханд урьд авсан хувийн баталгаа гаргах таслан сэргийлэх арга хэмжээг тус тус хэвээр үлдээжээ.

Эх сурвалж: Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн тамгын газар